|
|
|
||
|
|
   أيوة حنكمل, و حنكتب و حنفضل نكتبحنتكلم, محلي الكلام ما أعظمه و بعد نجاح العدد الأول, لازم نكمل كتابه, لان الخيار مبقاش بايدينا ده خيار جيل كامل, قرر انه يتكلم و يقول رأية في دنيا اتوجد فيها عاش فيها و شاف بلاويها, و جه الوقت انه يغير فيها حبينا في عددنا التاني نشاركم معانا حبينا تكونوا اصدقائنا و تحرروا المجله معانا بتعليقاتكم و مقترحاتكم اللي اديتنا الدفعة في العدد الأول اننا ننزل بالعدد التاني و ان شاء الله حنكمل و كلامنا حيوصل لحد ما نغير و هنتغير للاحسن قبل ما نغير         قسم جديد : شعبيات  التسميات: second |
|
|
|
رســـــــــــــــــــــــومـــــــات و خــــــــــــــــــــلاص يــمــنــي مــصــطــفــي طالبة بالسنه الأولي كليه فنون جميلة جامعة حلوان ( اللي في الزمالك يعني ),يمني بتحب الرسم من صغرها و مافيش حاجة اثرت فيها و خاليتها تسيب الرسم, حتي الثانوية العامة ( بعبع الطلبة)... و لولا جهاد يمني, مكانتش قدرت تجمع بين حبها للرسم و تفوقها في الدراسة.... يمني عرضتلنا رسوماتها و ماكنش في تردد ولو لحظه ان احنا ننزلها, و اخترنا اربع صور عشان نعرضهالكم و نعرف رأيكم فيها... عشان تكبرو الصورة, كليك عليها      ...MohaMed SaiD |
|
|
|
الــتــعـبـيـرات الـوديــة عـنــد الـمــصــريـيــن المقصود بالتعبيرات الشعبية الودية ذلك الكلام الذى يعبر به الناس عن مشاعرهم الانسانية الرحيمة بأسلوب مهذب بليغ ليس فيه تعقيد أو عندما يرجو الخير للاخريين و خاصة ابناء اسرته او جيرانه او ذلك الذي يقال من الابناء و البنات و الزواج و الزوجات وجيران السكن او العمل ......... المحور الاول : المجاملة و التحية و السلام .
التسميات: masr el balad, second, sh3byat |
|
|
فعندما يأتي المدعون إلي حفل دعوا إليه ليجاملوا أصحاب الحفل يقال لهم عبارات مثل (نجاملكم في المسرات) (نخدمكم في الفراح) (بس يا ريت تبقوا تشرفونا في جواز فلان) ويكون الرد (دا احنا نيجي علي عينينا) .
)|
بساطته وتلقائيته هما سر نجاحه…عرفناه بصوته الهاديء الذي ياتينا كل صباح في برنامج عيش صباحك وامتعنا كثيرا علي شاشة قناة مودرن ببرامجه المختلفة.... اكثر ما يميزه احترامه للمشاهد والمستمع والمضمون الذي يقدمه .... انه المذيع احـــــمـــد يـــونــــس.....
|
|
|
ما الجديد الذي تقدمه في رمضان؟|
نـــظــــــرة فـــــــــي مــــــــراه الــــعـــــقـــــل الــنـظـرة الأولــي
...MahMoud Sha3Ban |
|
|
و في قول اخر اذا أردنا دقة التعبير نقول في كل حركة و سكنة يحدثها الانسان. في الواقع ما أردت الحديث عنه هو هاجس بداخلي و يتلخص في الاتي: أثناء فترة من فترات مرضي التي تعد الأطول حتي هذا اليوم و التي دامت قرابة الأسبوعين ، خطر ببالي بعد انقضاء هذه الفترة القاسية بعدة أشهر ما حدث لسيدنا "يعقوب" عليه و علي نبينا أفضل الصلوات و أتم التسليم ، و هو مرضه الذي دام 18 عاما فقد فيها أصحابه و كل من يعرفه الا امرأته و ظل رغم قسوة المرض صابرا طوال هذه المدة لم يرفع بيده قط داعيا أن يكشف الله عنه ما حل به.
 فى أيام رمضان الأخيرة تذهب الأهالي لشراء الملابس الجديدة و الفرحة في عيون الأطفال, و تذهب الأمهات بشراء الدقيق و السمن و لوازم الكعك, و يقوم الأطفال في الوقفة بإرتداء الملابس المنزليه الجديدة أو بمعنى اصح هدوم الوقفة, و تقوم الام بعمل الكعك الرائع الذي يؤكل في عيد الفطر فقط, و يسهر الأولاد حتى الصباح منتظرين صلاه العيد بالملابس الجديدة, و بعد الصلاة يتبادلون الأهالي الزيارات العائلية و يتناولو الكعك و يأخذ الأطفال العدية و يذهبون لشراء الحلوى و اللعب, و يطلق الأولاد الألعاب النارية احتفالاً بالعيد و فرحتة... و بعد تعب و شقاء اليوم الأول ينام الأولاد بأمل غد افضل و يحلمون بما فعلوا طوال اليوم و ما سيفعلونة في اليوم الأخر.و في اليوم التالي يذهب الأولاد لمقابلة أصدقائهم و الذهاب الي المدن الترفيهية, و يركبون الالعاب الخطيرة و يضحكون من قلبهم و بعد ذالك يذهبون للأكل في اي مطعم يخطر على بالهم. و في اليوم الثالث يذهبون الى السينما لمشاهده الافلام الممتعة ثم يتمشوا على النيل و ياكلوا حلابسة و ترمس. و بعد قضاء ثلاث ايام من الترفية يرجعون الى المدارس و يتمشوا في حوش المدرسة و يشتروا الكراسات و الكتب المدرسية. و في نهاية الكلام اتمنى ان يعيد الله علينا الأيام بسلام وخير ...AlaA QanDeel التسميات: masr el balad, second |
|
|
 عيل صغير طالع بيجري فوق السطوح ف ايديه قفص فيه بس فرخه وجوزين حمام لاجل مايطعم أمه الضريرة و8عيال صغار يتام يجري الولد ويا القفص يجري القفص ويا الولد يجري القفص يجري الولد تجري وراهم ضحكته وبراءته ويا رقته يفضله بس صرخة أخوه اللي بيحبي ولا لسه عارف ينسند يفضله بس آهة وجع من قلب لسه بينولد يفضله بس حلمه اللي ضاع انه يكون أحسن ولد اجدع ولد اشطر ولد بس الجعان مالوش مكان في دى البلد آه يا ولد عايش ضعيف غلبان شريف مش لاقي حتى تاكل رغيف جاع الولد ........سرق الولد ضاع الولد جوه البلد ضاع ف الزحام ويا اللئام اللي ما عرفوا ف يوم يحبوك يا بلد أنا حبي ليك عشق وهيام عاشق ترابك ........عاشق زحامك عاشق نهارك..........عاشق ضلامك عشقك بحبك هافضل احبك وأوعى يهمك يا بلد إن ضاع ف يوم منك ولد راح ينولد مليون ولد ...Mai Abd El Salam التسميات: kalam gameel, second |
|
|
|
شــعـب مـصـر . . . غلابة علي مر الازمان
التسميات: masr el balad, second |
|
|
 هرب النوم وذهب العقل فسيطر الجنون تمنيت لو أن أصبح شفافة غير مرئية وأتحرر من هذا الجسد وأتركه مدفوناً بين ثرا الشوق وأختصر المسافات وأخترق الحواجز والفواصل أخترق الجدران والأبواب والأشجار لأكون معك .. وأنتزعك من كتبك ولوحاتك من سطورك وكلماتك أنتزعك حتى من أفكارك وأسكن أحضانك فيلمس قلبى قلبك فيشعر به ويسمع اناته لأجد بصدرك النوم والراحه لكن .. لا أملك الشفافية ولم أستطع أختراق الحواجز لذلك .. حاولت ان أهزم أشواقى بغفلة النوم عسى أن أراك يا حبيبى فى أحلامى ...SarAh EssAm التسميات: kalam gameel, second |
|
|
|
أعـــرف ديــنــك قــبــل ما تـــتــكــلــم
...YouMna YasSer التسميات: i7na el shabab, second |
|
|
يا عم مقعدش جنبه اصله مسيحي و اللي تلاقيها تبص لواحدة من فوق لتحت لما تلاقي الصليب على ايدها...ده غير كلام الناس الجهلة اللي بيقعدوا يحكوا في حكايات و قصص عبيطة عنهم...
و بعدين مالك انت و اللي بيؤمنوا بيه...انت ربنا عشان تحاسبهم...ربنا هو اللي هيحاسبهم و يحاسبني و يحاسبك و يحاسب كل الناس....متتدخلش بقى في اللي ملكش فيه و تقول اصلهم بيقولوا مش عارف ايه...هما حرين في دينهم زي ما انت حر في دينك....و بعدين ده ربنا بيقول " لكم دينكم و لي ديني" و الكلام ساعتها موجه للكافرين...واخدلي بالك...الكافرين...مقلش انتم هتروحوا النار و انا هروح الجنة.... قال نسيب كل واحد في حاله...
 الـــحــلــقة الــثــانـيــة ألو,لو سمحت ممكن أكلم محمد. - أيوة..ثانية واحدة. وجه محمد بقا زهقان وقرفان أصل أبوه صحاه من النوم عشان يكلم صاحبه علي التليفون (صاحبه دا اللي هوا صاحبنا بتاعنا) - أيوة يابني عايز ايه عالصبح؟؟!. - ايه يابني انت كل دا نوم؟؟!!. - يا عم لخص بقا عايز ايه؟أنا تعبان. -يابني جايلك نوم ازاي بس والامتحانات خلاص فاضلها أسبوع وتبدأ. - يعني هعمل ايه يعني؟! ما أنا مفتحتش كتاب من أول السنة ولا أعرف حاجة. - ما أنا زيك برضو,طب أنا سمعت انك بتجيب ورق وكدا,متجبلي معاك الورق بتاع المواد بتاعتي. -أه..قصدك علي الورق بتاع المراجعة النهائية,ماشي حاضر. -ههههههه...مراجعة ايه يابني, احنا كنا ذاكرنا عشان نراجع؟؟!!. المهم انهم عارفين انهم بيستهبلو وشكلهم هيشيلو مواد أو يسقطو أصلا بس عادي مش فارقة معاهم, واتفقو تاني يوم يتقابلو عشان يخدو من بعض الورق اياه. اتقابلو تاني يوم أدام المكتبة بتاعت الورق وكانت زحمة موووت تقولش بيوزعو التموين؟! بس دا العادي يعني,أهو كلو بيراجع عشان الامتحانات قربت,اللي ذاكر بيراجع واللي ماذاكرش..ههههه...برضو بيراجع,بس معظم اللي بيجيبو الورق دا اللي هما زي صاحبنا دا. - ايه يا عم دا,دا ولا سوق التلات. - سوق علي مهلك سوق بكرة الدنيا تروق. -انتا بتهزر؟؟!يابني أنا مش عارف انتا جايب البرود دا كلو منين!! - من التلاجة....ههههه. أه صحيح نسيت أقولكو,أصل صاحب صاحبنا دا أكبر منو بسنة في نفس الكلية, الراجل خبرة بقالو أربع سنين ماشي كل سنة باتنين وصاحبنا يا عيني غلبان لسة أول سنة بس هوا دخل الكلية من هنا واستلمو الأخ صاحبو دا من هنا وشكلو هيخليه يسير علي نهجه ...ههههه. - هات يا عم الورق خليني أمشي... - خد يا عم. - يلا سلام. - سلام. روح صاحبنا البيت ومعاه كومة ورق,بتاع كل المواد بقا وعايز يلحق يلم أي حاجة.. راح علي السرير وانتخ وطلع الورق يبص فيه ...هوا بص من هنا ووشه جاب ألوان الطيف من هنا. معزور أصله لقا كلام أول مرة يشوفو يا عيني وفضل متنح وكأنو ماسك ورق باردي مكتوب عليه بالهيروغليفي ... ألاك مبدهاش بقا وراح ماسك الورق وأعد يحفظ بقا الحاجات زي ماهية بشكلها,هيعمل ايه مقداموش غير كدة. وصاحبته اياها بتاعت المرة اللي فاتت ولا سأل في أبوها ولا جابلها ورق ولا أي حاجة. بس ايه بقا... طلعت ناصحة هية كمان ونخربت لحد ما جابت الورق. شوف يا سيدي...العيال تخش الكلية كتاكيت ولا ليهم في البتنجان,مفيش شهر ولا اتنين وتلاقيهم جايبين أخبار الكلية كلها بالناس اللي فيها بالدكاترة بالعايدين السنة بكلو... الا اللي هما تلاقيهم بقا بقالهم تمن تسع سنين في الكلية تشوفهم تحس انهم دكاترة أصلا مش طلبة... الواد  من دول ممكن يفضل في الكلية لحد ما يخلف وابنه يدخل الكلية ويبقا أدو.... ههههههوتسأل الواحد منهم ليه يابني سايب نفسك كده؟؟ يقولك يا عم يعني هتخرج أعمل ايه هوا في شغل؟!..عيزين تقولو عندو حق,مش كدة؟؟...ههههه الأسبوع جري بسرعة وجه أول يوم امتحان وصاحبنا صم وطلصأ الدنيا في بعض وداخل الامتحان يحيي أمجاد العظماء اللي أبلو (أقصد طبعا اللي شالو أوباح في السنين اللي فاتت)...وأعد صاحبنا في اللجنة مستني ورقة الامتحان بسرعة أبل الكلمتين اللي عندو ما يطيرو ; اللي هما كدا كدا هيحطهم في الورقة ويمشي ملوش دعوة بالأسئلة.. وزي ماتيجي بقا فاتت ساعة..اتنين وطلع صاحبنا زي ما دخل ,أهو حط اللي عنده وخلاص وهوا وبخته بقا يا اما تقع ورقته في ايد دكتور من بتوع (اقلب واجري) وفي الحالة دي ممكن يعدّي,أو تقع بقا في ايد دكتور مبيرحمش.. وفي الحالة دي هيلبس في الحيط ويشيل الظلط. بنفس الطريقة فات تاني امتحان وتالت ورابع وخلّّّص وخد الأجازة الباشا..وأشوفكو المرة الجاية بقا...سلاااام التسميات: akeedfmasr, i7na el shabab, second |
|
|
|
لو شفت مظاهرة يا حبيبي ملكش دعوة بيها و خليك في حالك...مالنا احنا بالسياسة انت تخلص  جامعتك و بعدين لو عاوز تتكلم في السياسة و الحاجات دي انت حر...يابني امشى جنب الحيط انا و ابوك مش بتوع مشاكل و طول عمرنا في حالنا....ده جزء صغنووون خالص من الكلام اللي اي واحد فكر مجرد التفكير يعني انه يفهم لعبة السياسة...الكلام اللي بيسمعه من الست الوالدة او السيد الوالد....مش عارفة ليه يعني.... ارحمونا من الحيطة و المشي جنبها...سيبونا نفهم شوية و نعبر عن نفسنا...مبقلش نمشي في مظاهرات...بقول بس نفهم اللي بيحصل و منبقاش مجرد بني ادم عاوز يعيش و السلام و بعد 10 سنين نبقى موظفين بنرجع ماسكين الجرنان في ايد و البطيخة في الايد التانية... فيها ايه يعني لو حاولنا نفهم و نفكر و نسمع...مبقلش روح انضم لحزب و لا شارك في مظاهرة...بقول نفهم بس...بس يظهر حتى الفهم حرم زي مابيقولوا....اول ما يظهر على حضرتك بوادر حب المعرفة يبقى بس خلاص الحق يا جدع الحق ياعم انت هتروح في داهية...و تلاقي مامتك عاملة مناحة في البيت و الواد كان زى الفل غيرش بس شوية العيال اللي اتلموا عليه و لعبوا في دماغه...قال يعني قالولوا تعالى نلفلنا سجارتين...و تلاقي الدكاترة في الجامعة يقولولك المادة 79 من الدستور بتمنع السياسة جوه الجامعة...و صحابك بقى يقولولك ياعم فكك من الكلام اللي يودي في داهية ده و خليك في المفيد شفت البت سوسو لابسة ايه النهاردة.... كان عندنا دكتور زمان قالنا كلمة حلوة جدا...قال: "ساعات الانسان من كتر تعوده على وجود تابوهات معينة بقى يحط لنفسه تابوهات اكتر مش موجودة اصلا"...يعني احنا من كتر ماتعودنا على تابوهات كانت موجودة قبل كده بقى عندنا اعتقاد ان مجرد التفكير في السياسة او الكلام فيها يودي في داهية و ده مش دايما يعني صح... لو كان الكلام ده صح امال كل السياسيين الكبار اللي موجودين دلوقتي جم ازاى...مش بقول عن بس اللي مع الحكومة...فيه كمان معارضة و اسماء مشهورة جدا و معارضة و موجودين.... و بعدين انا مش بقلك يا اخي ابقى سياسي كبير لما تكبر انا بقلك بس حاول تفهم الليلة ماشية ازاى...زي ماحضرتك بتتابع الاهلي لما بيروح اليابان و تشجعه و تفرح لما اللاعيبة يكسبوا كام مليون...لا انت هتلعب كورة في يوم من الايام و لا اللاعيبة هيدوك فلوس من اللي بيكسبوها يبقى ايه فايدة معرفتك بالكورة...حب استطلاع؟؟...طيب ما تستطلع مجالات تانية يا اخي غير الكورة...ده انت عجيب اوى اسأل و افهم و فكر و اعملك رأي مستقل و ملكش دعوة بكلام حد ...قولهم انك حر....و متخفش من حاجة...و انسى موضوع المشي جنب الحيطة ده خالص....زي ما بتسمع كلام مامتك من ودن و تخرجه من التانية اعمل الحوار ده مع الموضوع ده كمان...مش لازم تعمل عم المؤدب اللي مش بيكسر كلام مامته....مامتك خايفة عليك مقلناش حاجة بس برده هي مزوداها حبتين.... عن اذنكوا بقى عشان ماما بتنادي عليا هلحقها قبل ماتشوف الكلام ده و تقوللي خليكي في حالك و تديني محاضرة الحيطة....سلام ...Youmna YasSer |
|
|
 المكان : القاهرة - عاصمة جمهورية مصر العربية الزمان : ظهر يوم الأثنين الموافق24 /9 /2007 الحدث : تأدية مهمة توثيق ملكية فكرية أدبيية فى مصلحة الشهر العقارى فى نصف ساعة / 30 دقيقة /1800 ثانية فقط صدق أو لا تصدق لكنها الحقيقة وهذا تفصيلاً ما حدث : أنعم الله عزّ وجلّ علىّ بنعمة سرد الشعر ولى عدة قصائد ؛ ولقد علمت أنه يجب توثيق هذه القصائد كملكية فكرية أدبية فى مصلحة الشهر العقارى كى أتمكن من نشرها فى أحدى المجلات الورقية أو الألكترونية. وفعلا فى أحد الأيام طلبت منى أحدى الصديقات نشر أحد القصائد فى أحد المجلات الألكترونية , لكنى حتى تلك اللحظة لم أكن وثقت أى من قصائدى كى أتمكن من نشرها فى أى من المجلات الورقية أو الألكترونية أو حتى مجلات الحائط . لم تكن هذه هى المشكلة لكن المشكلة كانت تكمن فى عامل الزمن حيث أنها أبلغتنى حينها أنه أخر يوم لتقديم هذه القصيدة هو بعد غد - كان يوم الثلاثاء الموافق 25 /9 /2007 – حينها علمت أننى لم أتمكن من نشر قصيدتى لأنه من رابع المستحيلات أن تذهب لأى مصلحة حكومية فى مصر لتؤدى أى من أعمال التوثيق أو تسجيل التوكيلات أو حتى أستخراج بدل فاقد لأى من الأوراق الرسمية إلا وأن " تقضدى بالأسبوعين هناك " هذا ما سمعته وهذا ما قيل لى " حتروحى المصلحة فتجدى الموظفين على مكاتبهم منكبين ومنهكين فى اعمالهم الى فاتح دفتر والى أمامه 100سجل وكل ما تكدى أن تطلبى السؤال من احدهم يقولك (عند أستاذ فلان مش عندى) وتروحى لأستاذ فلان يشاورلك على أستاذ علان تذهبى للأستاذ علان يقولك ( هو الأستاذ ترتان الى حيخلصلك ورقك ) وهكذا .. وأخيراً يجيبك أحد الموظفين ( أيوه عندى أنا لكن فوتى علينا بكرة لأن المصلحة تغلق أبوابها فى أوجه المواطنين الساعة 1:30 ظهراً والساعة الأن 12:30 يعنى يادوبـــك ألحق أكمل الأوراق الى فى أيدى وأروّح بيتنا ). ولكننى بطبيعتى أنسانة متفألة لا أفقد الأمل بسهولة , ساعتها قولت لنفسى " حاولى مش حتخسرى حاجة فأذا كان من المستحيل أن أوثق أحد قصائدى فى الشهر العقارى يومها على الأقل أستفسر عن الأجراءات المتبعة وتكلفة رسوم التسجيل " . وبالفعل أستيقظت باكرا وذهبت أولاً إلى الجامعة لأحضر محاضراتى التى تنتهى فى تمام الساعة 11:00 صباحاً , بعدهاعزمت الذهاب إلى مصلحة الشهر العقارى لتوثيق قصيدتى التى ستنشر وأستبشرت خيراً وفعلاً كنت هناك فى تمام 11:45 صباحاً فى البداية سألت أحد الفراشين " عايزة أوثق أحد الأعمال الأدبية ؟؟ " رد " الدور الأول" , طلعت الدور الأول وجدت شبابيك الخزينة وغُرف كثيرة مليئة بمكاتب الموظفين والمكان محشوداً بالمواطنين كلاً منهم له مصلحة ومهمة قاصدأً تأديتها رغم هذا المنظر تمسكت بأملى فى تأديت مهمتى ورسمت الأبتسامة على وجهى وسألت أحد الفراشين " عايزة أوثق أحد الأعمال الأدبية ؟؟ " قالى "المكتب الى فى أخر التورءه " دخلت المكتب الى فى أخر التورءه مصاحبة لى أبتسامتى . كانت غرفة 4 متر تقريباً بها 6 مكاتب يجلس على كل مكتب موظف مش طايق نفسه , اقدمت على أحد الموظفين بأمتسامتى متحدية بها ضيق نفسه و قولت له: " صباح الخير. من فضلك عايزة أوثق أشعارى أعمل أيه؟؟ " رد لى الأبتسامة قائلاً : " ثانية واحدة " وفعلاً كانت ثانية واحدة ؛ كان يجلس أمامه على الكرسى أحد المواطنين بعد ما أنهى تسجيل أوراقه قام ومشى . قال لى موظف الشهر العقارى: " اتفضلى أقعدى" جلست , وطلب منى قراءة أشعارى ؛ قرأها وتأثر جداً وبكلام ودودٌ هنئنى وتمنى لى الأستمرار فى كتابة الشعر ودعى لى وقال: " أن شاء الله تأتى المصلحة قريباً لتوثقى ديوان شعرك الأول وطرحه للأسواق " رديت دعاءه: " شكراً. ربنا يخليك " ثم نادى قائلاً: " يا أستاذ عادل من فضلك وثق هذه القصائد للأنسة سارة " . فعلاً ذهبت للأستاذ عادل حاملة قصائدى بيدى وقام الأستاذ عادل بتأشير الدفع والأمضاء على قصائدى وتوجهت بها إلى شباك الخزينة ودفعت 60 جنيه 15 جنيه لتوثيق كل قصيدة , بعدها عدت للأستاذ عادل مرة أخرى والذى قام بتسجيل هذه القصائد بالدفتر الذى أمامه .. هكذا بمنتهى السلاسة والسهولة . مع العلم أنى ذهبت للمصلحة التى لا تتبع منطقة سكنى , وأنى أبلغ من العمر اقل من 21 سنة , وأنى قمت بتوثيق 4 قصائد – وقانوناً لا يجوز تسجيل اكثر من 3 قصائد فى اليوم - , ولم أدفع جنيه مصرى واحد أكثر من رسوم التوثيق الرسمية ؛ لكن الأجراءات تمت دون إى عواقب. أعلم جيداً وأنا أكتب هذا المقال أن الكثير سوف يهاجمونه بأنه غير واقعى وأننى به اتملق الحكومة والمصالح الحكومية بوصفها سلسه ومريحه وأن العمل يتم بها بسرعة الصاروخ. حاشى لله فأنا أهاجم الروتين والقواعد القانونية المتناقضة التى تعسر سير العمل داخل المصالح الحكومية و التى توقف المراكب السايره ,وأنتقض كل موظف حكومى متخازل مرتشى لا يراعى الله فى عمله ؛ لكنى أتخذ لهؤلاء الموظفين 60 عذراً فالموظف الحكومى يعمل طول النهار مع تلك القواعد والقوانين ويتحمل أنتقاض المواطنين له وللروتين وللمصلحة وللحكومة وينسون ان الموظف الحكومى هو فى النهاية مواطن عادى من الممكن أن يصتدم بالروتين عند أتمام أجراءات أحد أعماله الخاصة والشخصية . فى النهاية أرى أن وسطتى الوحيدة يومها ورشوتى الشرعية والقانونية لموظفى المصلحة كان أستبشارى الخير والسهولة وأبتسامتى التى صاحبتنى والتى جعلت كل من حولى يحاولون خدمتى ومساعدتى . أخيراً اليكم الخلاصة و الوصفة السحرية والكارت الأخضر لقضاء كل حاجتكم وأموركم وأجراءاتكم بكل سهولة ويسر أن شاء الله أستبشروا خيراً وكونوا متفائلون مرنون وسلسون وتواضعوا فمن تواضع لله رفعه وأهم شىء هى وستطكم ورشوتكم الشرعية القانونية هى الأبتسامة التى تدخلون بها أى مصلحة حكومية . ...SaRah EsSam التسميات: masr el balad, second |
|
|
|
أولا: قــانـــون الــمــرور فــي بـــلادي في بلادي لا تجد سيارات النقل و الشاحنات و الموتوسيكلات تسير أبداً على يمين الطريق (وتقريباً ده عيب في حقهم) و لا مانع من بعض المناورات و السباقات حسب المزاج . في بلادي لا تجد إي التزام بالحارات المرورية و تعتبر الخطوط الموجودة على الإسفلت ( إن  وجدت ) مجرد ديكور لكسر المللفي بلادي الالتزام بالسرعة المحددة قانونياً يمثل أهانه للسائق (والله أعلم) خاصة إن كانت سيارته حديثه و جمده. في بلادي استخدام الإشارات الضوئية المتعارف عليها يميناً أو يساراً يعد تدخل في شئون الغير في بلادي التوقف في أي مكان مباح حتى لو كان في مطلع كبري أو مدخل نفق أو حتى على شريط القطار و أيا كان حجم السيارة في بلادي يتم الاستفادة من الجراجات(الجراشات) في عمل بوتيكات ومحلات أما السيارات فأمامها الشارع كله تركن فيه (قليل عليها ولا إيه)و ليذهب انسياب المرور الى الجحيم أكمل ولا كفايه كده؟....طبعاً كفاية لان الباقي كلنا عرفينه و زيادة باستمرار. طب و ايه الـــــــــــــحل؟....الحل هو تطبيق القانون. المسألة دي فيها مشكلة؟....أيوة مشكله بسيطة جداً : إن في بلادي يستثنى من تطبيق القانون رجال القانون(الهيئات القضائية و النيابية والشرطة وأعضاء مجلسي الشعب والشورى......)في ما عدا المعارف و الحبايب يطبق القانون على المستضعفين و حتى ده مش باستمرار فقط عند وجود حمله أو ازمه أو زيارة مفاجئة – يعني لازم يكون له سبب. يبقى أن أقول لكم إن بلادي اكيد مش مصر لأن مصر دي أم الدنيا و أهلها أجدع ناس ...HanAn El WaliLy |
|
|
|
الـــــــــــــســلام
...HaythaM SaMir التسميات: kalam gameel, second |
|
|
 عيون رصدت الشوارع والحواري والبيوت والناس الطيبين والمساجد والكنائس والمتاحف والنيل…. عيون اتكلمت "من وحى مصر" "من وحى مصر" عنوان معرض ورشة التصوير الفوتوغرافى الذي تم افتتاحه يوم الجمعة 21 سبتمبر 2007 بساقية عبد المنعم الصاوي بالزمالك …. اشترك في المعرض 23 مصور ومصورة من المشاركين في ورشة التصوير الفوتوغرافي واشترك معهم المصور العراقي لؤى الشيخلى , وحضر الافتتاح عدد كبير من الضيوف العرب والاجانب والمصريين . ويقول المصور لؤي الشيخلى…..  ان المعرض فكرة لنقل رسالة بلدي بطريقة اكثر انفتاحا وثقافة واردت ان تكون اول مشاركة لي في مصر مع طلاب ورشة التصوير الفوتوغرافي التي تقام في ساقية الصاوى واخترنا توقيت المعرض في شهر رمضان المبارك. واضاف انه اعلن خلال المعرض عن تكوين فريق "فوتوغرافيون بلا حدود " تحت اشرافه ويعرض الفريق رؤية جديدة ومعاصرة للتصوير الفوتوغرافي تختلف عن الشكل التقليدي الكلاسيكي للتصوير  وسيكون المعرض الاول لهم صور بورتريه .ومن المشاركين في المعرض محمد عبد اللطيف الذي شارك بصورة لمعبد ابو سمبل بالاقصر وصورة بانوراما لبرج القاهرة, وحبيبةعصام 15 سنة وتقول ان التصوير بدات التصوير كهواية وشاركت في المعرض بصورة بورتريه وصورة للكنيسة المعلقة , ومريام بنيامين 28 سنة تقول ان هذه اول مشاركة لها في معرض للصور الفوتوغرافية وانها بدات العمل في مجال التصوير وهي تخطط لدراسته بصورة متقدمة وشاركت في المعرض بصورة بورتريه ابيض واسود وصورة لمنظر طبيعى. ...NouRa Sa3eeD |
|
|
|
مـــيـــن ده يـــا أولاد في يوم من الايام كنت سائرا في طريق شديد الاتساع, لا اعلم اين اذهب ولا الي اين ياخذني هذا الطريق, وبينما اسيراذا ببيت اشبه بالقصر يلوح في الافق, فاستعجلت خطواتي متجها نحو هذا البيت وعندما ووصلت هناك نظرت الي البيت عن قرب بدا لي انه بيت من قديم الازل لم ار مثله في حياتي ودفعني فضولي ان ادخل المنزل كي اجد اجابة علي كل الاسئلة التي دارت في ذهني ولا زالت تدور منذ ان وقعت عيني علي هذا البيت, فاتجهت نحو الباب وكان شديد الارتفاع غريب المنظر |
|
|
ودفعته بقوة ولم اجد احد في البيت واذا بالمفاجأة... وجدت مارد ضخم مستلقي علي سريره ولا يتحرك وعيناه مفتوحتان, فاصابني الرعب والفزع من هول المنظر وشرعت في الرحيل ولكني سمعت صوتا خافتا يناديني باسمي ويقول اقبل, فنظرت لاري مصدر هذا, فاذا به العملاق النائم فتعجبت كيف يأتي هذا الصوت من هذا الجسم واتجهت نحوه و سارعت بسؤاله من انت؟ فاجاب انا صاحب البيت فتعجبت من الاجابة وسالته كم عمرك اجاب سبعة الاف سنة فسألته: " لم انت مستلقي هكذا علي السرير هل انت عاجز " فاجاب " لا, قيل لي ان اكون هكذا والا لن يكون لي مكان هنا " فسألته من الذي أمرك بهذا؟ فلم يتفوه بكلمة ولكنه اجهش في البكاء فسالته كيف تكون صاحب البيت ولا يمكنك التحكم فيه؟ فاجاب اجابة أدركت بها قوام الأمر وأزالت حيرتي ولكنها أبكتني بكاء أشد من بكائه ..قال لي(( لا اسمع لا اري لا اتكلم))...|
رمضان يعني لمة العيلة عالفطار ......يعني زينة وفوانيس ..ومسحراتي بالليل ينادي ويقول ...اصحي يا نايم صحي النوم ....احنا بقينا في شهر الصوم ...... الفانوس حاجة اساسية في رمضان حتي لما كبرنا لسة الفانوس بالنسبة لنا اساسي في رمضان علشان كدة نزلنا وقابلنا عم عاطف صاحب محل فوانيس بالسيدة زينب اتكلمنا معاه وسالناه عن الفوانيس والوانها واشكالها واسعارها........ ...NoRa Sa3eD التسميات: masr el balad, second |
|
|
بعرض الفوانيس من اول شهر شعبان استعدادا لرمضان, وبيستمر ضغط الشغل لنصف رمضان تقريبا, والفوانيس اشكالها مختلفة وليها اسامي كتير ....
ا الوان الدهان العادية
نا بشتغل في الكنافة والقطايف من
 |
|
الـــغـــلاف احـنـا الـشبـاب كـلام جـمـيــل مــصــر الـبـلـد فـي اللعـبـة فــــي الــفــن مـــع الــلــه Banat X Banat في الملعب ولاد مــصــر كلام ميتنسيش English |
|
|
|
كــلـمـنـا |
|
|
|
|
|
|
