فكر شوية

 

مـــــيـــــن ده؟؟

استفتاء العدد

ما رأيك في الخصخصة ؟ ؟

الحل الأمثل لتجنب خسائر الشركات الحكوميه   
 
أجد فيه ظلما للعاملين و دافعي الضرائب    

الاثنين معا    


اعرض النتائج
العدد الخامس - الخميس 15/11/2007

أعـــرف ديــنــك قــبــل ما تـــتــكــلــم

أعـــرف ديــنــك قــبــل ما تـــتــكــلــم




فيه موقف شفته في المترو من كام يوم و اثر فيا جدا و خصوصا اننا في رمضان....كانت واحدة حامل واقفة في عربية السيدات و المترو مش زحمة و لا حاجة و كان فيه كام واحدة بس اللي واقفين...المهم الست كان شكلها تعبان اوى و كان قاعد قدامها 4 بنات شكلهم صغير يعني ميحصلوش 17 و لا 18 سنة بالكتير و عمالين يهزروا و يضحكوا و الباقيين كلهم ناس كبار اللي قاعدين على الكراسي...مش هو ده الموقف اللي بحكيلكوا عليه لسه جاي اهه...الست وقفت محطة بحالها من غير ما واحدة من البنات دول تعبرها و بعدين لاقيت واحدة ست كبيرة قامت وقفت و قعدتها...تعرفوا كانت مين الست الكبيرة دي؟؟...كانت راهبة...عرفتها من لبسها و الصليب اللي كانت لابساه و كانت كبيرة مش صغيرة يعني عندها اكتر من 50 سنة...و الست الحامل دي كانت محجبة و البنات كمان اللي مقاموش....افتكر الموضوع من محتاج شرح اكتر من كده..
اللي خلاني احكيلكوا عن الموقف ده انى بسمع كلام كتير مش كويس بيتقال عن المسيحيين كانهم بقوا فجأة اعدائنا و يجب ابادتهم...اللي يقلك يا عم مقعدش جنبه اصله مسيحي و اللي تلاقيها تبص لواحدة من فوق لتحت لما تلاقي الصليب على ايدها...ده غير كلام الناس الجهلة اللي بيقعدوا يحكوا في حكايات و قصص عبيطة عنهم...
ربنا امرنا اننا نحترم اصحاب الديانات الاخرى...و فيه حديث للرسول "عليه الصلاة و السلام" قال فيه من آذى ذميا فقد أذاني....و الكلام اللي الناس الجهلة بيقولوه ده لازم نرد عليه...مش لازم نسيبهم يفضلوا يقولوا في كلام ملوش لازمة و نتيجته اننا نفضل نشيل من بعض و نكره بعض...
و لو انت ملتزم اوى كده و متدين و بتعرف ربنا عشان تتحمق اوى على دينك و تكره اصحاب الديانات التانية...متبص في دينك و تشوف بيقلك ايه...امسك مصحف و اقراه و شوف ربنا بيقلنا ايه عن النصارى....شوف الرسول كان بيعاملهم ازاى و هو قدوتنا كلنا و المفروض ان حضرتك تسمع كلامه و تمشي عليه...
انت متخيل لما واحد يجي يضرب واحد مسيحي بيكون جزاؤه ايه عند ربنا...طيب بلاش يضرب نقول يشتم عشان ده اللي بيحصل اكتر...انا لسه قايلة من شوية الحديث اللي بيقول من اذى ذميا فقد اذانى...انت تقبل انك تؤذي الرسول؟؟
و بعدين مالك انت و اللي بيؤمنوا بيه...انت ربنا عشان تحاسبهم...ربنا هو اللي هيحاسبهم و يحاسبني و يحاسبك و يحاسب كل الناس....متتدخلش بقى في اللي ملكش فيه و تقول اصلهم بيقولوا مش عارف ايه...هما حرين في دينهم زي ما انت حر في دينك....و بعدين ده ربنا بيقول " لكم دينكم و لي ديني" و الكلام ساعتها موجه للكافرين...واخدلي بالك...الكافرين...مقلش انتم هتروحوا النار و انا هروح الجنة.... قال نسيب كل واحد في حاله...
و حضرتك بقى لو اقتنعت شوية بكلامي يبقى مبروك الف مبروك دورك بقى تقنع الباقيين...كل ماتيجي سيرتهم تاني قدامك حاول تفهم الناس الصح و بكده هتاخد ثواب كتير....انك هترد غيبة حد مش موجود...و انك هتخللي ناس مكنتش عارفة الحقيقة تعرف...
و لو حد حب يغيظك و يقلك انت بتحاميلهم كده ليه قلله انك بتحامي لدينك اللي وصاك خير بيهم...
و افتكروا اللي حصل قدامي في المترو...انا مفتكستش الموقف ده لاننا في رمضان يعني ممنوع الافتكاس....بس لو هما فيهم ناس بالشكل ده تفتكروا انهم ميستحقوش اننا ندافع عنهم؟؟



...YouMna YasSer

التسميات: ,

عدد التعليقات: 7

Blogger شبــ اون لاين ـــاب    قال
كلام سليم

عارفه المشكله اللى كانت ف الاسكندريه السنه اللى فاتت انا ساكن ف شارع 45 اللى كان فيها الكنيسه اللى كان فيها المشكله

انا حسيت ان الناس مش طبيعيه
يعنى انا عندى واحد صاحبى مسيحى مش معقول يعنى حروله البيت واضربه

و فيه ناس مسحيين كتير احسن من مسلمين ف صفاتهم واخلاقهم

بس المشكله ان ناس كتير اوى فاكره ان الناس دى مسيحه و مش فاكره انهم مصريين

ما هو ده اللى مشوه صورتنا بره .. فاكرين اننا عادئيين
 

Anonymous غير معرف    قال
السلام عليكم. شكرا للتعليق

احنا معاك في رأيك\و ان الناس بنفسها مش بدينها ولا جنسها, و زمان ايام النبي عليه افضل الصلاة و السلام, كان في تاخي بين المسلمين و النصاري..

المشكلة اننا المصريين غلابة, بنصدق اي اشاعة, و كمان مننكرش ان في الفترة الاخيرة بقي سمة عدتئية في الشخصية المصرية, ربنا يستر
 

Blogger فارس عبدالفتاح    قال
يص يا استاذ النصارى لهم حق شرعة الدين


لكن المشكلة فى المسلمين اللى ليس لديه انسانية ولا يعرفون معنا كلمة دين ورحمة

اما النصارى لا اميل اليهم ابدأ ولكني لا اتعدي على حقهم بما يقتضيه الدين قدر المستطاع ولا يكلف الله نفس الا وسعها
 

Anonymous غير معرف    قال
للاسف الشديد يا يمنى ان عندنا ازمة اخلاق وان موضوع المترو اللى حكيتيه حدث لى عندنا فى ترام الرمل بالاسكندرية عربة خاصة بالسيدات ومع ذلك تجدى عربة الرجال مليئة بالسيدات وفى كل عربة فيها اربعة مقاعد لكبار السن تجدى الجالسين عليهم شباب واطفال وعندما استقليت الترام الذى قام وقال لى تعالى اجلس ياحاج رجل كبير السن مثلى وكما قال احمد شوقى انما الامم الاخلاق ما بقيت فان هموا ذهبت اخلاقهم ذهبوا جدووووو الجمعة 26 اكتوبر 2007
 

Anonymous غير معرف    قال
شكرا لتعليقك الجميل يا جدو
و فعلا يا جدو الاخلاق بتختفي من مصرنا, و الشباب اللي طالع و احنا منهم مش عارفين ايه اللي حصل, من زمن الشهامة و الرجوله لزمن مامي و بابي مش كتيير قوي.
 

Anonymous غير معرف    قال
شكرا لكى يايمنى على مقالك الجميل وانا احد افراد مجموعة ضد التمييز ودخلت اكتب لكى تعليقى الا تفقد ى ابدا الامل فالله مادام موجودا فالامل موجود ويمكن لو تقرائى مقال لى فى مدونتى بعنوان "ما الار ض الا وطن واحد والبشر سكانه " حتلاقيه كله امل فى هذا الرابط:
http://basmagm.wordpress.com/2007/10/24/%d8%b3%d9%84%d8%b7%d8%a9-%d8%a8%d9%84%d8%af%d9%89/
 

Blogger ronny    قال
لقد ابكيتنى يا فتاتى العزيزة وكم ادمعت عينى فى اخر رسالتك لما ذكرتى لو فيهم ناس بالشكل دة يبقى منستحقش اننا ندافع عنهم وهذه مقوله فى محلها كثيرا من الناس لا تنتمى لدينك ولكن اصحاب الاديان المختلفة جميعهم يتشاركوا مع بعضهم فى حاجة واحدة الا وهى عبادة الله سبحانه وتعالى عشان كدة مش هتلاقى المبادئ فى اى دين مختلفة بل هتلاقيها كلها واحدة فى كل دين لان المصدر واحد الاختلاف الوحيد فى الشرائع وطريقة المعيشة والزواج والخ لكننا فى الاخر انسان نتشارك معا فى انسانيتنا وفى الوطن والعالم الواحد كما نتشارك فى عبادة اله واحد ولد ذكرتنى ببعض الكلمات الالهية وهى " كلكم اشجارشجر واحد وغصن واحد " وكما قال فى كتابة العزيز خلقناكم شعوبا وامم مختلفة لتعارفوا " كما قال ايضا كلنا كأسنان المشط المستوى "
إن الدّين هو السّبب الأعظم لنظم العالم واطمئنان من في الإمكان، وإنّ ضعف أركان الدّين صار سببًا لقوّة الجّهال وجرأتهم وجسارتهم. حقًّا أنّ ما يُنقِص من علوّ مقام الدّين يزيد في غفلة الأشرار، ويؤول الأمر أخيرًا إلى الهرج
والمرج.
إنّ التّأمّل في القيم المشتركة التي أفاضت بها الأديان العظيمة والأنظمة الأخلاقيّة على البشرية يكشف لنا أنّ كلّ واحد منها يدعو إلى الوحدة والتعاون والتآخي بين البشر، ويحدِّد معالم السُّلوك القويم المسؤول، ويعزِّز تطوير الفضائل باعتبارها الأساس المتين لعلاقاتٍ قائمةٍ على الثِّقة ومراعـاة المبادئ.
فالمبدأ الذي يفرض علينا أن نُعامِلَ الآخَرين، كما نُحِبّ أن يُعامِلَنا الآخَرون، مبدأٌ خُلُقِيّ تكرَّر بمختلف الصّور في الأديان العظيمة جميعاً، وهو يؤكّد لنا صِحَّة الملاحظة السّابقة في ناحيتَيْن مُعيَّنتَيْن: الأُولَى، أنّه يُلخِّص اتِّجاهاً خُلُقِيّاً يختصّ بالنّاحية التي تؤدّي إلى إحلال السّلام، ويمتدّ بأصوله عبر هذه الأديانِ بغَضّ النّظر عن أماكن قيامها أو أوقات ظهورها، والثّانية، أنّه يشير إلى ناحيةٍ أُخْرَى هي ناحية الوحدة والاتِّحاد التي تُمثِّل الخاصيّة الجوهريّة للأديان، هذه الخاصيّة التي أَخْفَقَ البشر في إدراك حقيقتها نتيجةَ نَظْرَتهم المُشوَّهة إلى التّاريخ.
القاعدة الذّهبية في المبدأ الإلهي: "أن نعامل الآخرين بمثل ما نحبّ أن نُعامل" قد جاءت مبدأً أخلاقياً في كافة الأديان العظيمة بأشكال مختلفة:
البوذيّة: "لا تؤذِ الآخرين بما تجده مؤذٍ لنفسك
الزّردشتية: "تلك الطّبيعة [طبيعة الإنسان] تكون جيدة عندما لا تعمل للآخرين ما يمكن أن يكون سيئاً لنفسها
الطّاويّة: الرّجل الجيد يجب أن يشفق ويتألّم على النزّعات الخبيثة للآخرين؛ أن يعتبر مكاسبهم مكاسبه، وخسائرهم خسائره.
الكنفوشيّة: "بالتأكيد هي القاعدة الأساس للطّاقة المحببة. لا ترتكب بحقّ الآخرين ما لا تحبّ أن يرتكبوه بحقك." اليهوديّة: "ما تكرهه نفسك، لا تعمله لغيرك. هذا هو القانون الكلّي وما سواه هو شرح وتفسير
الهندوسيّة: "هذه هي خلاصة الاستقامة الحقيقية: عامل الآخرين كما تحبّ أن يعاملوك، ولا تفعل بجارك ما لا تحبّ أن يفعله بك
المسيحيّة: "وكما تريدون أن يفعل النّاس بكم افعلوا أنتم أيضاً بهم هكذا
الإسلام: "لا يؤمن أحدكم حتّى يحبّ لأخيه ما يحبُه لنفسه."
البهائيّة: "لا تحبّ لغيرك ما لا تحبّه لنفسك، ولا تعد بما لا تقدر عليه."
 

إرسال تعليق
الـــغـــلاف
احـنـا الـشبـاب
كـلام جـمـيــل
مــصــر الـبـلـد
فـي اللعـبـة
فــــي الــفــن
مـــع الــلــه
Banat X Banat
في الملعب
ولاد مــصــر
كلام ميتنسيش
English

كــلـمـنـا



Site Meter
visitors
since 15/9/2007


الحقوق مش محفوظة
ان كنت هتعمل خير