رمضان يعني لمة العيلة عالفطار ......يعني زينة وفوانيس ..ومسحراتي بالليل ينادي ويقول ...اصحي يا نايم صحي النوم ....احنا بقينا في شهر الصوم ......

الفانوس حاجة اساسية في رمضان حتي لما كبرنا لسة الفانوس بالنسبة لنا اساسي في رمضان علشان كدة نزلنا وقابلنا عم عاطف صاحب محل فوانيس بالسيدة زينب اتكلمنا معاه وسالناه عن الفوانيس والوانها واشكالها واسعارها........
بعرض الفوانيس من اول شهر شعبان استعدادا لرمضان, وبيستمر ضغط الشغل لنصف رمضان تقريبا, والفوانيس اشكالها مختلفة وليها اسامي كتير .... اللوتس وفتوتة وابو ولاد والدلاية وفاروق ومخمس...اما صناعة الفانوس فبتكون في ورشة خاصة وهي صناعة يدوية بتعتمد علي اللحام وتركيب الاجزاء المعدنية للفانوس مع بعضها , اما الوان الفانوس فبتكون الوان طباعية بالكمبيوتر ولكن زمان كانوا بيستخدموا الوان الدهان العادية. واحجام الفوانيس بتختلف حسب المكان المستخدم فمثلا المطاعم والفنادق بتستخدم فانوس كبير ,والبيوت والمحلات بتستخدم فوانيس متوسطة ,والفانوس الصغير بيبقي للاطفال ,واسعار الفوانيس من 10 الي 300جنيه
اما الفوانيس الصناعة الصينية ليست في مستوي الفانوس المصري والطلب عليها بيبقي اقل بكتير..........



وبعد الفطار الحلو اكيد كنافة وقطايف بالمكسرات والحاج حسنى هيكلمنا عن الكنافة .....
انا بشتغل في الكنافة والقطايف من 12 سنة وبستعد لشهر رمضان قبله باسبوع تقريبا, والكنافة في الاساس بتتكون من الماء والدقيق , وعلشان تشتري كنافة كويسة يفضل انها تكون متهوية قبل عملها..
وبيشتغل معايا في المحل عجان ومساعد له, وزمان كنا بنستخدم قرص الكنافة اليدوي ولكن حاليا بنستخم الالي وطبعا بيكون اسرع واسهل بكتير, والشغل بيبتدي كل يوم من الساعة 9 الصبح الي ما بعد الفطار بس اكتر وقت بيبقي فيه ضغط شغل هية فترة مابعد الظهر الفترة اللي بيخرج فيها الموظفين من الشغل .
اما عن اسعار الكنافة سعر الكيلو 4 جنيه.

التسميات: masr el balad, second