فكر شوية

 

مـــــيـــــن ده؟؟

استفتاء العدد

ما رأيك في الخصخصة ؟ ؟

الحل الأمثل لتجنب خسائر الشركات الحكوميه   
 
أجد فيه ظلما للعاملين و دافعي الضرائب    

الاثنين معا    


اعرض النتائج
العدد الخامس - الخميس 15/11/2007

يبقي انت أكيد...أكيد في مصر



خرج من بيته كالعادة مروش ولابس الحتة الزفرة اللي علي الحبل وضارب جيل وتمام التمام, صاحبنا ده حكايته هي حكاية كتير من شباب اليومين دول..ففوكاك من اسمه دلوقتي وتعالي أما نشوف هيعمل ايه النهاردة,صاحبنا كان مظبط بت من الكلية اللي مش بيروحها أصلا غير كل حين ومين,واتفق معاها علي خروجة كدا عالماشي وطبعا مقالتش لأ(ما أكيد هو الي هيشيل اليلة).المهم وهوا نازل(طبعا بيغني وفرحان وهيطير من الفرحة) قابل واحد صاحبه قدام البيت
- ايه يا عم علي فين كدا وايه الحلاوة والشياكة دي؟؟؟
- اااه....قروا بقا علي خلق ربنا,رايح أقابل الحتة يا عم.
- ماشي يا عم, ماشية معاك فول أوتوماتيك أهو.
- يييه...تاني؟؟!!يابني متفقرش فيها.يلا سلام بقا لحسن اتأخرت.


وهوا نازل أصلا قبل المعاد بساعة ونص..بس ما علينا. المهم مشي لأخر الشارع وخد ميكروباص,محدش يعني سأل هما هيتقابلو فين؟

بص يا سيدي...مدام صاحبنا معاه فلوس يبقي رايحين كوفي شوب جنان في المهندسين ,أما بقا لما بيكون مقشف وضاربه السلك بيقضيها في حديقة الحيوان أو الفسطاط ,يوميها كان معاه فلوس.أعد صاحبنا جنب السواق سرحان في ست الحسن, بس يسرح مين دا ماشي في شارع (....) يعني زحمة علي طول وكل واحد ماشي بالعربية حاطط رجل علي البنزين ورجل علي الكلكس,تقوللي وايده؟!!أقولك متدقش يعني مش فارقة وطبعا صاحبنا عمال يسمع كلام جميل من السواقين وهما....احم احم....بيحبو في بعض,كل واحد عايش. هوا اللي يسبق ويا سلام بقا لو حد سبقو...مش بقولك بيحبو بعض؟؟!!

وصل صاحبنا المكان واستني (المدام) هناك شوية وجت دالقة جردل برفان عليها وواخدالها وشين بويا تمام في وشها,ودخلو أعدو سوا سوا في الكوفي شوب
- تشربي ايه؟
- يا بنتي متتكسفيش . (ماهو الواد فيص بقا)
- طيب...برتقال.
- ماشي..لو سمحت..اتنين برتقال بعد اذنك.


أسيبكم بقا معاهم شوية.
- عمالتي ايه النهاردة؟
- عادي ولا حاجة,صحيت علي تليفون "سوسو" صحبتي الساعة واحدة وأعدنا نرغي شوية وبعدين كلمتني انت ونزلت,انت عملت ايه؟
- زيك بالظبط.صحاني الواد "مدحت" واكلمنا شوية وبعدين جتلك.
- مم....أنا مش عارفة هنعمل ايه في الامتحانات اللي قربت دي والواحد مفتحش كتاب ن أول السنة.
- ما كلو كدة يا بنتي, متقلقيش الواد "محمد" قال انه عارف مكتبة فيها ورق من الأخر نقراه قبل الامتحان وندخل نظبط التظابيط.
- طب ا شطة ابقا صورلي معاك.
- من عيني حاضر.


وجاب المتر البرتقال وقطع انسجامهم,شربو البرتقال وطبعا أعدين يبصوا لبعض ويبتسموا والواد أل ايه عامل فيها حنين وأم ماسك ايديها والتانية عملت مكسوفة فالأول بس بعد كدا سابتهاله.
الساعة جت تسعة ونص وهما سرحانين طبعا مع بعض في دنيا تانية, ومقدرش أبعد عنك ومقدرش أسيبك والكلام الحمصي اللي كلنا عرفينو دا.بصت هي في الساعة وقالتله : ايه دا,أنا انأخرت كدا يلا نروح بقا.
صاحبنا حط ايده في جيبه وطلع عشرين جنيه وحطها عالطربيزة وبص للجرسون وضحكلو (كمان بيبقشش وطبعا عشان الأخت المعاه تقول عليه واد جامد) وراح البيه وصلها أبل البيت بشارع كدة (طبعا مينفعش لحد البيت لحسن أبوها أو أي حد يشوفو يعكشو) ومسك اديها وكأنو بيودع واحد مسافر وسلمو علي بعض وروح هوا بقا والمود مفيش بعد كده وطلع كمل السهرة أدام التليفزيوت وعلي الساعة سبعة الصبح كدا قام ينام بعد ما ظبط يومه طبعا...يلا سلام بقا أشوفكو ان شاء الله في يوم تاني ن أيام صاحبنا

...MahMoud Sa3Ban

التسميات: ,

عدد التعليقات: 5

Anonymous غير معرف    قال
انا احب اهنيكم على المجله الجامده دى و اللى ان شاء الله هتطور مع الأيام و طبعا اهنى محمود شعبان على اول حلجه كتبها و اتمنالوا مزيد من التقدم و يكون اللى جاى أحسن
محمد حسين
 

Anonymous غير معرف    قال
bgad 7elw awe...we ba3den enta 3reft el7agat de mnen /...shaklak mgarab :p... bas fe3lan very ood topic..keep it up...
 

Anonymous غير معرف    قال
اسلام عليكم
شكرا لتعليقاتكم
و الولد فعلا شكل ه مجرب, بس مين فينا مش مجرب ؟ ؟ ؟
 

Anonymous غير معرف    قال
انا مش عايزة اتكلم على علاقته بالبنت ال بيحبها
بس عايزة اتكلم على موضوع الورق الى بيشتروه من المكاتب الى عند الجامعة
لو تعرفوا المكاتب دى عليها اقبال قد ايه؟ مش حتصدقوا
لكل قسم وكلية مكتبة تكتب للطلبه المحاضرات و تلخصلهم المنهج اخر السنة
انا نفسى بلجأ للمكاتب دى فى مذكرتى
مقدرش أقول انها مش مفيده
بس السؤال هو اية الى خلا طلابة الجامعة يلجاؤلها؟؟
ولو هى بتساعد ال طلابه فعلا ليه مايحصلش تنسيق بينها وبين الجامعة؟؟ مادام هدفها مساعده الطالب الجامعى؟؟؟؟؟؟
Sarah Essam
 

Blogger Mahmoud Shaban    قال
أنا مش مجرب ولا حاجة يا جدعااان...وكمان حوار الجامعة مش مجربه لأني أصلا هربان من السلبيات بتاعت التعليم المصري خالص عشان عارفها ورحت جامعة أجنبية فيها تعليم صح مش طبيخ زي العرفينو
 

إرسال تعليق
الـــغـــلاف
احـنـا الـشبـاب
كـلام جـمـيــل
مــصــر الـبـلـد
فـي اللعـبـة
فــــي الــفــن
مـــع الــلــه
Banat X Banat
في الملعب
ولاد مــصــر
كلام ميتنسيش
English

كــلـمـنـا



Site Meter
visitors
since 15/9/2007


الحقوق مش محفوظة
ان كنت هتعمل خير