الــتــعـبـيـرات الـوديــة عـنــد الـمــصــريـيــن
ما يقال للنساء و الرجال

ما يقال للبنات و النساء :
هناك مجموعه من التعبيرات الودية التي اعتادت النساء ان تقولها للبنات و النساء في مناسبات مختلف,ة فمثلا نجد انه عندما تكبر البنت و لا يطرق بابها خطاب نجد النساء في محيطها دائمات الدعاء لها ب (ربنا يعدلهالك) (عقبال عدلك) (ربنا يرزقك بابن الحلال).

وسواء كانت مخطوبة او غير مخطوبة فالدعاء لها دوما ب( ربنا يبيض عرضك) (روحي ربنا يريح قلبك) (روحي ربنا يسترك) (ربنا يجعل وشك نواره و لسانك سكرة).

اما إذا نزوجت الفتاه فإن اول ما يدعي به لها يكون (عقبال ما نشوف عوضك)( عقبال ما نشيلك) (ربنا يهدي سرك) (يجعل قدمك قدم السعد).
اما إذا حملت فالدعاء لها ب ( ربنا يتملك علي خير ), ( ينتعك بالسلامة )
و إذا وضعت (يتربي في عزك) (تعيشي و تأكلي من كده) (ربنا يخليهولك ) (عقبال ما تخاويه).
ومن الدعوات العامة للبنات و النساء ما يلي :
(ربنا يطول في عمرك) (ويجعل ليكي ما عليكي) (لا يحوجك لأبوكي و لا لاخوكي) (ربنا ما يخيبلك تعب) (ما تشربيش نارهم).

وإن كان لابد و ان نقول كلمة عن هذه التعبيرات فاننا نستبين فيها حرص المجتمع المصري علي الفتاة, و حرصه علي زواجها صونا للشرف و العرض و اهمية مسألة العرض في حياة الناس و كذلك الإنجاب.


ما يقال للأولاد و الرجال :
تقول الأم لأبنها و أبناء أخواتها , وتقول الاخت لأخيها ,و الزوجة لزوجها تعبيرات ودية كثيرة تنم عن الحب و الود و الإخلاص و الحنو , في صورة دعوات خيرة إلي الله في رقة و عذوبة.
ومن أمثال ذلك :
إذا خرج الرجل لعمله يقال له (روح ربنا يسهل لك) (ربنا يكفيك شر طريقك) (يجعلك في كل خطوة سلامة ) (يرزقك برزق عيالك) (ربنا يفتحها عليك)
وإذا فعل الرجل فعلا يستوجب الثناء و التحية فتكون تحيته علي شكل دعاء (روح ربنا يوفقلك ولاد الحلال) (ربنا يجعلك من السعداء دنيا و اخرة)
(ربنا يحبب فيك خلقه) (ربنا يحنن عليك القاسي) (ربنا يطول في عمرك وينجح مقاصدك) (ربنا ما يحرمك من نور عنيك يا نضري).

وتقول الزوجة لزوجها (ربنا ما يحرمنا منك و لا من دخلتك علينا).
و تقول الأم لولدها (ربنا يجعلك من الناجحين الفالحين) (الله يخليك و يطرح البركة فيك) (ربنا يهديك ) (يكفيك شر المرض) (يحفظك من عيون الناس) (ربنا ينجيك من كل مصيبة) (ربنا يصلح حالك).
وتقول كذلك للأبن و الزوج (ربنا يجعل يومي قبل يومك) (يرزقك بالذرية الصالحة) (يجعلك كسبان و ربحان) (ربنا يسترها معاك دنبا و اخره) (يجعل بيتك عامر) (ربنا يسترها مع ولايك).

وأخيرا فإن هذه التعبيرات الودية كما قول د/ سيد عوض تدل علي أصالة المصريين المعاصريين و سعه صدورهم و رقة حاشيتهم فضلا عن نضجهم الاجتماعي الذي لا يداني,,,,

أستاذ صلاح القاضي
مدير عام التفتيش
بالبنك العقاري المصري العربي

التسميات: masr el balad, sh3byat, third