الاجابه الوحيدة اللي عندي, انهم لم ينسوا ما حدث, فكيف ينسون أول يــــــــــوم, لما قرروا يروحوا يصلوا في جامع مصطفي محمود, انما يصلوا ايه, دول راحوا عشان يدوروا علي رفيقة العيد هناك, اللي غالبا بتكون قاعدة في كافيه علي ترابيزة لوحدها, و طالبة برتقال عادي ب 5 جنيه, و منتظرة البيه اللي عنيه هتقع عليها و يقضي معاها العيد, و طبعا هيصرف عليها خروجات و سينما لمدة ثلاث ايام, و مش عايز حد يفهمني غلط, دي بنت محترمة و متربية, لأن شرطها الوحيد ان خروجاتهم كلها تبقي في اماكن عامة, و طبعا البيه يوافق, هيقضيها و علني كمان..
و كيف ينسون ليلة الـــيـــــوم الــــثــانـــي, لما سهروا لحد الفجر علي المقطم, و شربوا لما اتعموا لحد ما واحد منهم كان هيضيع, و هما ولا هنا, يضحكوا عليه و يعملوا عليه نكت, و في الاخر لما فاقوا و ودوه المستشفي كان الواد بيطلع في الروح.
وكمان ليله الــيــــوم الـــثـــالــــث, لما راحوا وسط البلد مستنيين يشوفوا ايه اللي هيحصل السنة دي و لو كانوا عرفوا يشاركوا كانوا هيشاركوا, بس واد منهم كان معاه البت بتاعته, مايصحش يعملوا كده و هي موجودة..

و حاجات كثيرة هما مش هينسوها بس أنا ماقدرش أحكيلكم عليها, بس أكيد كلكم عارفينها, و اللي مش عارفها ينزل شارع الهرم بعربية, و ياخد يمينه و يهدي, و هو هيعرف أنا قصدي ايه..
أنا قولت نماذج سيئة لافعال الشباب في العيد, و معني كده أن في النقيض التام, في شباب بيقضوا وقت جميل برضوا بس من غير ما يعملوا حاجة حرام, و برضوا بيعدي عليهم العيد بذكريات جميله يفضلوا فاكرينها من العيد للعيد.

السؤال دلوقتي ليك, عملت ايه في العيد السنة ديه ؟؟؟ و أيه اللي هتفضل فاكره منها ؟؟؟