أحمد ومصطفي اخوات توأم وبردو ف الأفكار توأم كانت البداية من دردشة و فكرة بسيطة بسرعة بقت حلم كبير و فعل حقيقي.
عبد الرحمن و كريم أصحاب التوأم و زي أخواتهم أقتنعوا بالفكرة حبوا يشغلوا وقتهم بشئ مفيد و هام ومربح كمان.

سألنا أحمد عن الفكرة و ازاي نفذها
بجد أحنا انبهرنا مش عشان الفكرة و تنفذها
لكن عشان حسينا أن لسه فيه أمل وإصرار علي النجاح بين ولاد جيلنا اللي أتظلموا كتير.
ومع مصطفي عرفنا أن الشباب عندهم طاقة وقدرة علي العمل بس لما يلاقوا نفسهم بحاجة.
أما مع عبد الرحمن لقينا شب بيقع ويقوم
مصر علي انه ينجح مع مرارات الفشل
كان مقدم ف الكلية الحربية و شغال ف المشروع و كبر حلم الظابط و ف لحظة انتهي
بس بردو ما انكسرش بالعكس ده بقي أكتر إصرار علي النجاح.
أما كريم فهو شب طيب وجميل جدا قرر يساعد اصحابه و يستفيد خبرة ويتعلم حاجة جديدة.
اتكلمنا معاهم فرحنا و حبينا نفرحكم
بقينا علي يقين أن أحنا مش علي الطريق لوحدنا.
حبينا نوريكم فعلا أن جيلنا عنده أفكار كتير و طاقة جبارة
بس احنا اقصد كل الجيل محتاج شوية تشجيع و مساعده و هو فعلا يغير.
أحنا قررنا نشجعهم احنا كتبنا وانت تردوا علينا
هم شيفين موضوعنا عايزين نقول أحنا وراكو وأي مساعدة احنا معاكو
مش طراطيش بس لأ ده كل اللي عارفكو.