|
الــنــبــي عــربــي
ان اجمل ما علمني ابي رحمه الله هو ان احترم لغتي العربية واقدرها مثلما
قدرها هو وجيله وكم حدثني عن مدى حبهم لها واحترامهم لمن يجيدها وكيف كانوا
يتبارون من اجل اثبات من يتمكن منها اكثر عن طريق مناقشات ومناظرات و...
و... و لو تكلمت ما اتسعت ليا الصفحات لكني لم اكتب هذه المقدمة لأشيد بمن
سبقونا ولكن لأتحدث عمن يعايشونا لن اطيل عليكم وسأحكي لكم عن قصة غاية
في البساطة علكم قابلتوها مرات ومرات وستقابلوها مرات ومرات فقد اصبحت
ظاهرة حاجة كدة موضة يعني من اللي ماشية اليومين دووول
كنت في احدى الجلسات الأسرية جمعت عدد لا بأس به من الشباب والشبات زهور يانعة متفتحة للحياة والأحلام منهم فتاة ربما لو رايتها للوهلة الاولى ما لفتت نظرك في شىء, لكن لو دققت وبدات تسمع طريقتها في الحوار ستجد ان غالبية كلامها تنطقه بالأنجليزية وكأن بابا ريتش وماما كارلا جابوها هنا غلط فلم تخلو جملة من كلامها من كلمتين تلاتة انجليزي واللي يغيظك اكتر ان ده كان بيقابل باستحسان من كل اللي حواليها زي ماتكون هي الالفا بتاعت الفصل واحنا الخايبين ممكن تقولو ده قصر ديل مني اكيد مابعرفش اتكلم اجليزي بس حتى لو كده هي مش دي لغة بلدنا اللي كبرنا لاقينا اهالينا بتتكلمه ولا ايه تحية العلم الصبح ف مدارسنا كانت ولا تحيا جمهورية مصر العربية...
مصر ام الدنيا ام الحضارات مصر طه حسين والعقاد مصر السيدة وشبرا والقلعة مش عاوزةارفع شعارات وخلاص انا عوزانا نحس بقيمتنا يا ناس بدل مانتكلم لغة كدة وخلاص نتباهى بعروبتنا بلغتنا بمصريتنا وسلملي ع الباص
...Mai 3aBd El SaLaMالتسميات: fourth, i7na el shabab |
