|
عدد التعليقات: 13 |
Unknown قال
لا أنا كدة أزعل اذا كنت يا يمنى مشعارفه اسامى ال24 حزب
يبقى انا حعرفهم؟!
______
بصى اهى الأسامى :
1 - الحزب الوطنى
2-الوفد
3-التجمع
4-الناصرى
5-الجبهة الديمقراطية
6- الغد
7- الأمة
8- مصر الفتاة
9- مصر العربى الإشتراكى
10-مصر2000
هه هه يا مسهل فاضل 14 ؟؟!
11- الخضر
12- الأحرار
13-مصر العربى الإشتراكى
14- شباب مصر
15-الدستورى الحر
16-التكافل
17-الدستور الاجتماعى
18-الإتحاد الديمقراطى
19-الوفاق القومى .
هه فاضل خمسه حد يقولى بسرعة و حيشاركنى فى الجائزة!!
______________
شوفى بقى كل الأحزاب ديه العدد فى الليمون ،
و بعدين حد يفهمنى يعنى ايه
ممنوع انشاء اي حزب بدون وجود برنامج و اهداف سياسية ليه تختلف عن برامج و اهداف الاحزاب الموجودة ..
أفهم ان تكون العناوين متشابهة و كذلك الأهداف و حتى متماثلة لكن الفرق بيبقى فى الfinishing
___________
بالمناسبة نفسى تطرحى فى العدد الجاى عن الأحزاب ، فكرة انه الممنوع مرغوب
يعنى كل الحركات السياسيه زى كفايه و الأخوان و الأحزاب غير مصرح بها زى الوسط و الكرامة مشهورة اساميها عند الناس
،لكن ذات الشرعية (مش بمعنى legal)
أنا قصدى قانوية محدش يسمع عنها غير فى حضورها احتفالات رئيس الحزب الوطنى اللى هو رئيس الجمهورية!!
يعنى الأخوان لو بقو أدى دقنى لو حد سمع عنهم ، ده طبعاً فى النظام المتخلف بتاع شئون الأحزاب اللى رئيسها هو الأمين العام للحزب الوطنى والأعضاء منهم رئيس هية الصرف الصحى (صحفى فى جريدة الجمهورية قالى كده)
|
قال
منقدرش على زعلك يا بدرواي و باقي اسامي الاحزاب هقلهالك بس عشان متزعلش بس مش دلوقتي...لما نشوف باقي الناس هتعرفهم و لا لأ..
و على فكرة... الفكرة اللي انت قلت عليها للعدد الجاي هي فعلا اللي بكتبها دلوقتي و هننزلها العدد الجاي ان شاء الله...مش قلت استنونا...بس ابقى شرفنا كده برده
ميرسي للزيارة
|
قال
السلام عليكم
الوضع اللي احنا فيه دلوقتي هو نفس وضع الأحزاب السياسية قبل الثورة و اللي قرأ كتاب فلسفة الثوره
هيعرف ده كويس
قال الكاتب"انهم لما ارادوا أن يهدوا الثورة إلي أحد أحزاب الشعب ويعودا إلي الثكنات لم يجدوا غير أحزاب متناحرة كل منها يسعي لمجده لا لمجد مصر و المصريين"
احنا كمان نفسنا في حد
يوجه طاقتنا و نهديه إمكانيتنا
بس فعلا مفيش حزب ينفع
|
yomna قال
لو كان وضع الاحزاب يا جهاد دلوقتي زي قبل الثورة كان يبقى احسن شوية
على الاقل قبل الثورة كانت الاحزاب موجودة و بتتصارع و تتناحر لكن دلوقتي الاحزاب موجودة و كانها مش موجودة زي النسمة كده
لا بتتصارع و لا همها الناس و لا همها السلطة و لا حاجة خالص
بصراحة انا ساعات بسال هما عوزين ايه بالظبط...يعني من الواضح مش عاوزين كراسي لا في مجلس الشعب و لا الشورى و لا حتى بيعرفوا الناس بيهم عشان ينضملهم
امال عاوزين ايه مش عارفة
يمكن ده السؤال اللى ب 100 جنيه
يا ترى الاحزاب عاوزة ايه؟؟
|
قال
السلام عليكم
انا المره دي قريت الموضوع بتركيز أكبر
انا زي ما قلت انا مش ناصري بالمرة
بس عارفة فعلا ان الحل هو الحل الناصري
اللي هو ايه
"الاتحاد الشتراكي العربي"
ده كان قمة الديموقراطية مع عدم انفلات الحركة السياية مع توجيها إلي الاتجاه الصحيح
اتجاه النمو بالوطن الحبيب
التحاد كان يضم كل القوي السياسية الموجوده و ينسقها و يوجها و لا بأس أبدا من أن يقومها أحيانا
رحمه وسامحه الله من ألغي الاتحاد الاشتركي بحلم او وهم كلمه اسمها الديموقراطية
طب هي الديموقراطية هي اللي احنا فيها دلوقتي
|
دكتور حر قال
1- الحزب الوطنى الديمقراطي ليبرالي أو مهلبي أكتر : وهو الحزب الحاكم,تأسس عام 1978,ويرأسه رئيس الجمهورية محمد حسني مبارك ، والأمين العام محمد صفوت الشريف.
2- حزب مصر العربي الاشتراكي : تأسس عام 1976,ورئيسه الحالى وحيد فخرى الأقصري.
3- حزب الأحرار الاشتراكيين : تأسس عام 1976,ورئيسه الحالي حلمى سالم.
4- حزب التجمع الوطنى الوحدوي اشتراكي : تأسس عام 1976,ورئيسه الحالي د/رفعت السعيد
.
5- حزب الوفد الجديد ليبرالي : تأسس عام 1978, ورئيسه الحالي الدكتور محموداحمد اباظة.
6- حزب الأمـة ليبرالي او طربوشي : تأسس عام 1982, ورئيسه الحالي أحمد الصباحي.
7- حزب الخضر المصري حزب بيئي عالمي متعدد الفروع : تأسس عام 1990, ورئيسه الحالي عبد المنعم الأعصر.
8- حزب الاتحاد الديمقراطي ليبرالي : تأسس عام 1990, ورئيسه الحالي إبراهيم ترك.
9- الحزب العربى الناصري قومي : تأسس عام 1992, ورئيسه الحالى ضياء الدين داود.
10- حزب التكافل ليبرالي : تأسس عام 1995, ورئيسه الحالي دكتور أسامة شلتوت.
11- حزب الوفاق الوطنى قومي : تأسس عام 2000, ورئيسه الحالي دكتور رفعت العجرودي.
12- حزب مصر 2000 قومي : تأسس عام 2001, ورئيسه الحالي دكتور فوزي غزال.
13- حزب الجيل الديمقراطي ليبرالي : تأسس عام 2002, ورئيسه الحالي ناجي الشهابي.
14- الحزب الدستوري الحر ليبرالي : تأسس عام 2004, ورئيسه الحالي ممدوح القناوي.
15- حزب الغد ليبرالي : تأسس عام 2004, ورئيسه الحالي الدكتور أيمن نور.
16- حزب شباب مصر ليبرالي قومي : تأسس عام 2005, ورئيسه الحالي أحمد عبد الهادي .
17- حزب السلام الديمقراطي ليبرالي : تأسس عام 2005, ورئيسه الحالي أحمد بيومي الفضالي.
[تحرير] أحزاب شرعية مجمد نشاطها بسبب التنازع على رئاسة الحزب
18- حزب العمل المصري هو ليبرالي اسلامي : تأسس عام 1978, وكيل المؤسسين هو إبراهيم شكري, ومتنازع على رئاسة الحزب لا بالقضاء ولا بالتراضي.
19- حزب مصر الفتاة الجديد قومي: تأسس عام 1990, وكيل المؤسسين هو أحمد حسنين, والرئيس المؤقت الوصيف عيد الوصيف(تنازع على رئاسة الحزب).
20- حزب الشعب الديمقراطي ليبرالي : تأسس عام 1992,وكيل المؤسسين هو أنور عفيفي.
21- حزب العدالة الإجتماعية ليبرالي : تأسس عام 1993, وكيل المؤسسين محمد عبد العال, والرئيس المؤقت كمال حسين (تنازع على رئاسة الحزب).
22 - حزب الجبهة الديمقراطية الليبرالي تأسس عام 2007 ويرأسه الدكتور يحيى الجمل
23و24- أحزاب تحت التأسيس حزب الكرامه القومي الناصري ووكيل المؤسسين حمدين صباحي وجريدته الكرامه
وحزب الوسط الاسلامي ووكيل المؤسسين م أبو العلا ماضي وجريدته الكترونيه
بصو بقى على الاقل 70 80 جنيه أحسن
انتو أحرار
|
دكتور حر قال
ياااااااه
ده كله بتلمي
في الجايزه
رحتوا فيين ؟؟؟؟
|
yomna قال
جرى ايه يا دكتور انت هتخم و لا ايه
انت نسيت حزبين
و عاوز تخم و تحط مكانهم اتنين تانين تحت الانشاء
حضرتك نسيت
حزب الجمهورى الحر و
المحافظين...محافظين على مين مش عارفة بس اكيد محافظين على الجايزة
معلش بقى...كان نفسي تاخد الجايزة لكن هارد لاك المرة دي...تاخدها المرة الجاية ان شاء الله
|
دكتور حر قال
يا أستاذه يمنى
دي آخر احصائيه نازله عن الأحزاب في مصر
وتقريبا الحزبيين دول اللي حضرتك قولتيهم ملهومش وجود نهائيا
وبعدين يا ستنا
تصدقيني انا
ولا تصدقي صفوت الشريف
كده برضه تيجي منك
|
دكتور حر قال
لا أنا آسف يا يمنى
كلامك فعلا مظبوط
الاحزاب لسه معموله
بس هم ما كانوش قالولي بس
مش عارف كنت فين
يلا خير
انا ما استهلش الا 50 جنيه بس
يالا مش مشكله
|
قال
اخر الانباء:
تم فض المنازعات القائمة بين الدكتور حر و بين بنتنا يمني.
و الأوضاع في استقرار تام..
|
قال
الأحزاب معرفه
واحد وطني ناسه أفاضل و شرفاء
والباقي اللي ينضملهم فاسد وضد البلد ومحظور وأرهابي ومع ختان الأناث وضد حريه المرأه
|
قال
السلام عليكم ...
احييكى يا يمنى على مقالك هذا... بس انتى بتقولى انك مش عارفة الاحزاب دى عاوزة ايه ... اقولك وماتقوليش لحد... الاحزاب دى عاوزه المائتى الف جنيه اللى بتاخذهم من الحكومة كل سنة ... عرفتى ليه ... خليها فى سرك بقى
جدووووو
الجمعه 23 نوفمبر 2007
|
عارف اهدافها ايه...ده حتى مش عارف اساميها يبقى يعرف اهدافها ازاى...لما الواحد ميعرفش من 24 حزب غير اسامي 7 بس او ممكن 8 او حتى 9...دي تبقى خيبة....لما يبقى العدد في اللمون تبقى مصيبة....مع احترامي لكل رموز الاحزاب دي بس بجد...الحياة الحزبية في مصر بقت حاجة هزلية جدا....بقت احزاب على ورق بس...احزاب ملهاش وجود على الساحة الشعبية...احزاب مبنسمعش عنها غير لما يكون اتنين فيها بيتخانقوا على الرئاسة...غير كده...مفيييييش.
