فكر شوية

 

مـــــيـــــن ده؟؟

استفتاء العدد

ما رأيك في الخصخصة ؟ ؟

الحل الأمثل لتجنب خسائر الشركات الحكوميه   
 
أجد فيه ظلما للعاملين و دافعي الضرائب    

الاثنين معا    


اعرض النتائج
العدد الخامس - الخميس 15/11/2007

يا بختنا بمصر




في البلاد التى لا يوجد فيها نظام اللى اتكلمنا عنها قبل كدا البلد فيها عيب كمان


وهو نظام التعليم .
نظام التعليم عندهم بايظ خالص عندهم هناك علشان الطالب يخش المدرسه لازم يدفع تبروعات ايجباريه


ويدعوا انها لتحسين المدرسه ويا عالم الفلوس دى بتروح فين لان لو شوفت منظر المدرسه والفصول يقطع القلب والتبروعات


تصل الى 500 جنيه فيما فوق والمفروض ان المدرسه دى تبع التعليم بالمجان .
وعشان تلم المدرسه فلوس اكتر تقبل طلاب اكتر يعنى بدل ما يقبلوا فى الفصل
الواحد 20 بقى30ومن30ل40ومن40 لما فوق لحد ما وصل الفصل الواحد80
طالب .
دلوقتى بقى فى الفصل الواحد 80طالب ولو مش مصدقني تعالوا نعيش يوم مع الطلاب المساكين دول.
اول حاجه الطابور حاجه تفرح كله نظام عدا الطابور بسلام وطلعوا الطلاب للفصول .
الحصة عندهم بالتمام والكمال نص ساعه شوف انت بقى نص ساعه فى 80
طالب طبعا ولا حاجه تتقال.
الفصل فوق شكلوا يخض , الاطفال قعدين فوق بعض وطبعا ده يعلمهم العنف بدل التربيه


اما عن التعليم فالحمد لله مفيش تعليم .
اول حاجه المدرس ما بيعرفش يشرح وطبعا عنده حق الفصل سيرك وعقبال ميسكت التلاميذ شويه ويدوب يكتب التاريخ والعنوان والسلام عليكم ورحمة الله
وبراكاته .

عدت الحصه الاولى بسلام وجه وقت الحصه التانيه وهى الحساب اعرف
ان الحساب عايز شرح كتير علشان يوصل لطالب والحمد لله ما فيش الكلام ده
المدرس يدخل التلاميذ تطلع الكتب ده لو لحقوا المدرس يكتب العنوان ويقول الكلمتين وشويه اسئلة على الصابوره


وده الواجب يا شطار والللي مش فاهم مش مشكله .
عدت الحصه التانيه والثالثه والرابعه ونزلوا الفسحه , مجزره الهزار بتعهم هزار عدوانى ان كان بنات او اولاد ضرب+شقلبه + والفاظ كريمه وده نتيجة
عدم الانضباط والسيطره على هذا العدد المهول وكل ده ادى الى وقوع الكوارث.
دق الجرس طلعوا الاولاد للفصول وبدأت الحصه الخامسه وهى ماده لذيذه جدا وهى مادة الكومبيوتر


والحمد لله ان الماده دى ما بتدرس


معمل الكومبيوتر معششوا العناكيب محدش بيخشها مجرد عامل روتينى عشان لو حد جه من الوزارة علشان يفتش يلاقى المعمل بكمبيوتراته واجهزته وسلاطاته وبابا غنوجه .
الحصه السادسة وهى الالعاب ينزلوا الاطفال بوحشيه رهيبه واللى يوصل
للملعب يبقي مامتوا دعيالوا نزلوا الاطفال الالعاب بدل ما يلعبوا لعبه مفيده وينموا مهارتهم يقول لهم المدرس لموا الزباله من الارض


يلموا الاطفال الزباله ويتزنبوا
شويه وكدا الحصه خلصت .
يطلعوا الاطفال للفصل وتبدا الحصه السابعه وهى حصه الموسيقى والمفروض ان الحصه دى ليها حجره خاصه بيها والات موسيقيه انما فى المدرسه دى ما فيش الكلام ده .
تتخل المدرسه الفصل تبعلهم لب وترمس والاطفال يشتروا ويكلوا ويرموا فى الارض القشر وهى دى الحصه .
رن جرس الانصراف وكدا يكون اليوم الدراسي خلص ,انا لسه جايه امشى لقيت الطلاب اعدين زي ما هما قلت لهم ايه مش نزلين قالولى علينا مجموعه
قلت فى عقلى ياه ده الفصل هو المجموعه وبردوا المجموعه نص ساعه وبرضوا مش هيتقال فيها حاجه واللى مش فاهم ياخد درس خصوصى...................الخ.
للاسف التعليم عندهم زى كل حاجه عندهم مش مزبوطه .’فى حاجه غلط ,والغلط معروف بس هما مش عارفين ان فى حاجه غلط.
علشان كدا اطفالهم بقى كل حلمهم انهم يجوا يتعلموا عندناوياخدوا فرصتهم انهم يكونوا حاجه.بصراحه
يا بختنا بمصر

...AlAa QAnDeeL

التسميات:

عدد التعليقات: 16

Anonymous غير معرف    قال
السلام عليكم ورحمة الله ...
وحشنا نقدك الساخر يا الاء ... فاذا كان التعليم فى المدارس كما وصفتيه فى مقالك هذا تبقى مش مدرسة دى تبقى اصلاحية احداث ... واولى بالاطفال ان يقعدوا فى منازلهم من ان يذهبوا الى مثل هذه المدارس ... لان الادب فضلوه على العلم ... نبتهل الى المولى عز وجل ان يعود التعليم فى مدارسنا الى سالف الدهر . طبعا الكلام ده مش فى بلدنا ده فى البلاد الثانيه .
جدووووو الخميس 15 نوفمبر 2007
 

Blogger دكتور حر    قال
يا بخت مين بإيه يالاء

قلبتي علينا المواجع

يا رب
يا رب
يا رب

قبل لما اموت اشوف بلدنا حالا بدأ يتعدل
 

Anonymous غير معرف    قال
اولا شكرا يا الاء على الموضوع


ثانيا اسمحيلى اقول ان التعليم فى مصر مش تعليم كمان
انا دخلت مدارس حكومه كتير مدارس الغلابه الناس البيتعبوا عشان يعلمو ولدهم و يطلعوهم احسن منهم و ده كل ما يتمناه كل اب يدخل ابنو مدرسه يتعلم فيها و يأمل ان ولادهم يدرسوا و يتعلموا
انا عندى واحد اعرفوا بيؤلى ان اليوم فاضى حصص الالعاب و الموسيقى و الكمبيوتر كلها يا فى الملعب يا بيزوغوا من المدرسه يقدى اليوم فى الشارع و يرجع لأهلو اكنو كان فى المدرسه

بيدى للبواب بتاع المدرسه جنيه يخرجوا بره
وانا اعرف ناس كده كتير


شكرا يا الاء
 

Anonymous غير معرف    قال
شكرا لزياراتكم و تعليقاتكم جميعا..
و فعلا مشكله التعليم في مصر مشكله حويطة, و هي تعتبر أهم مشكله, لأن الحاضر اننا في العالم الثالث, و ما يحدث في المدارس يجعلنا نتوقع اننا سنكون من العالم العاشر او الحادي عشر..
 

Anonymous غير معرف    قال
متهيالي ان التعليم دا الخطوة الاولي في التغيير لا نبيترتب عليه حاجات كتير وهوة الاساس فلو الاساس صح نقدر نبني عليه بعد كدة وبجد يا الاء عرضك للموضوع جميل جدا ومستنيين منك اكتر واكتر
 

Anonymous غير معرف    قال
فكرتينا بايام زمان يا الاء بس انا شايف ان التعليم كل ماده فى النازل احنا بنسمع عن النهضه بالتعليم بس اللى حاصل هو التدهور بالتعليم زى ما كل حاجه بتدهور وزى ما احنا عارفين ان ما بنى على خطأ فهو خطأ مشكور منك الموضوع .
سلامه اسكندريه 15/11/2007
 

Anonymous غير معرف    قال
عندك حق يا الاء ده احنا عندنا مدرسين بيشربوا سجاير فى الحمام وعندنا مدرسين بيقفوا بالموبيلات خارج الحصه ومابيحضروهاش ده غير المدرس اللى مش فاهم الدرس اساسا علشان يفهمنا وشكرا على اسلوبك الرائع فى الكتابه يا الاء .
اخواتك بالاسكندريه نرفانا ونهروان
 

Anonymous غير معرف    قال
السلام عليكم

يا بختنا فعلا بمصر!!!!!!
بس

بردو يا بخت مصر بيكي يا آلاء

الموضع أنا مش عارف أقول إيه عليه
هو فوق الوصف
 

Anonymous غير معرف    قال
شكرا ي جماعة لتعليقاتكم و اضافاتكم
و ان شاء الله الاء بنفسها هترد عليكم, و تكمل باقي الوقائع اللي هي شافتها في المدرسة....
 

Blogger Unknown    قال
موضوعك حلو يا ألاء
و فعلاً

التعليم كالماء و الهواء كلاهما ملوث !!

______________
و يا بخت مصر بينا انها مستحملانا
واحدة غيرها كانت هاجرت ولا ركبتلها مركب لإيطاليا و غرقت هناك .
 

Blogger ابن حـجـر الـعـسـقـلانـى    قال
و الله بيبقوا أطفال صغيرين و المدرسين بيضربوهم على ظهر ايديهم بالعصيان .. و لا المد على الرجلين

ما كل هذا الانتقام ؟؟ هايكون الولد أو البنت عملوا ايه يعنى عشان يستحقوا عقاب زى دة

بجد .. المنظومة التعليمية عايزة تتغير بالكامل .. خصوصا مع مدرسين مرتبهم مائتين جنيه
 

Blogger Young entrepreneur    قال
و هو يعني علشان المدرس بياخد 200 جنيه يضرب الطلبه و يبهدلهم..؟؟
و المشكله انهم لما بيضربوا الطالب و والده يجي المدرسة و يبهدلهم بيتحول الوحش ابو عصاية ده الي فار جبان من غير اسنان..
 

Anonymous غير معرف    قال
بجد موضوع حلو و جامد يا الاء
:)
 

Blogger gehad    قال
بحب مصر.....

i love MASR
 

Anonymous غير معرف    قال
على فكره انتى نسيتى حصة الزراعه اللى كنا بنتبهدل فيها من لم الورق والكياس
اما عن التعليم فا ربنا يتولانا برحمته زى ومهما حصل فيها احنى برده ولادها اللى بنحبها




شبــــــ اون لاين ــــاب
 

Anonymous غير معرف    قال
شكرا لردك يا باشا و خليك متبعنا
 

إرسال تعليق
الـــغـــلاف
احـنـا الـشبـاب
كـلام جـمـيــل
مــصــر الـبـلـد
فـي اللعـبـة
فــــي الــفــن
مـــع الــلــه
Banat X Banat
في الملعب
ولاد مــصــر
كلام ميتنسيش
English

كــلـمـنـا



Site Meter
visitors
since 15/9/2007


الحقوق مش محفوظة
ان كنت هتعمل خير