فكر شوية

 

مـــــيـــــن ده؟؟

استفتاء العدد

ما رأيك في الخصخصة ؟ ؟

الحل الأمثل لتجنب خسائر الشركات الحكوميه   
 
أجد فيه ظلما للعاملين و دافعي الضرائب    

الاثنين معا    


اعرض النتائج
العدد الخامس - الخميس 15/11/2007

أكيد في مصر






الـــحــلــقــة الـــخـــامـــســـة


صاحبنا قعد يفكر في الكلام اللي ابوه قالوا ......
حس ب ضميرواجعو قال ايه الواد بيحس هاها
حط ايده في جيبو لقي نفسو مفلس و طبعا ابوه مش هايديلو فلوس لأنو لسه متخانق معاه
قال لنفسو و بعدين ..... جالو اكتئاب و الدنيا اسودت ف عينيه
قال لنفسو انا لازم اخلي ابويا يحس اني راجل و بتحمل المسئوليه
انا هدور علي شغل اجيب منو فلوس و اخلي ابويا راضي عني
هوب راح ماسك التليفون و راح مكلم (مدحت) الو مين معايه
رد عليه و قالو انتا هتستهبل و هوا انت تعرف حد غيري يا سيد امك
قالو اه هو انت مالك كده لسانك عايز قطعو قالو ابويا يا عم لسه متخانق معايه
قالو و بعدين .. اداني الطريحه بتاعت كل يوم سبت و كمان معيش فلوس خالص
و مش هاينفع اقول لبويا هات فلوس خالص النهارده ...بقولك ايه ماتشوفلي شغلانه مع ابوك
كده لحد لما الدراسه تبدا قالو اسالهولك استنا كده ......
بابا واحد صاحبي عايز يشتغل معندكش شغلانه لييه؟؟؟
رد ابوه عليه و قالو و صاحبك ده بقا بتاع شغل ولا زيك كده خيبان؟؟؟
ده شاطر اوي يابويا و مقطع السمكه و ديلها(ده كدب طبعا وهجس وأي هبل في الجبل)
قالو طب خلاص ابقي خليه يعدي عليه بكره الصبح الساعة 8 و قولو اوعي يتاخر!
الود طبعا فرح لما عرف انو لقي شغلانه في الوقت الي الناس فيه بتشمشم علي ريحة

الشغل بس دا لقالو شغل ب وسطه أهو ..مين قده؟! .. قفل السكه و هو طاير من الفرحه و قعد يفكر هو هياخد فلوس اد ايه و هوا ده اللي همو و ابوه الشقيان ده (طظ) و طبعا عشان هو عارف انو مش هايعرف يصحي بدري قال لازم اطبا
النهارده عشان اعرف اروحلو بكره بدري قعد قدام التلفزيون لحد تاني يوم..عييال تحفة
تفكيرها يفقع القرد أبو رجل جلد...أل ايه يطبق عشان يروح الشغل بدري...هع هع..لما نشوف هيعمل ايه بقا..

هنعرف المرة الجاية ان شاء الله..سلام

...Yasser Wagih

التسميات: ,

عدد التعليقات: 7

Blogger دكتور حر    قال
معاك للمرة الجايه
 

Anonymous غير معرف    قال
السلام عليكم ...
هى الحلقات دى مش كان بيكتبها محمود شعبان ... هو ياسر بيكملها والا ايه ... على كل حال هى حلقات مسليه ... بس المفروض يكون عنوانها مذكرات تلميذ خايب بدل هذا العنوان ... لان مش كل شباب مصر مثل هذا الشاب بطل الحلقات ... مصر فيها كثير من الشباب المجتهد والمكافح ونحن فى انتظار الحلقة القادمة ان شاء الله .
جدووووو الجمعة 16 نوفمبر 2007
 

Anonymous غير معرف    قال
شكرا لمتابعتك يا جدو...
هو محمود لسه بيكتب الحلقات ديه, انما ياسر حب يعرض مواقف هو شافها برضوا و عارف انحا بتحصل في مصر..
و الموضوع يا جدو ان الشاب ده موجود في المجتمع, و منه كتيير كمان..
 

Anonymous غير معرف    قال
فيــــن اللى بعد كدة...على فكرة طريقتكم فى الكتابة جامدة جدا..بجد خليتونى عايز أعرف اية اللى هيحصل بعد كدة..
فى الأنتظار..........
 

Anonymous غير معرف    قال
شكرا للمتابعه يا غير معروف و ياريت تتبعنا فى كل الاعداد و ان شاء الله للأحسن

شكرا :)
 

Anonymous غير معرف    قال
ياسر صديق عمري أعرفو من زماااان..جاري وكان معايا في المدرسة كمان..هوحب يكتب معانا وسيبتلو الحلقة دي يعملها هوا وكتبها بجد حلو أوي وعلي نفيس النظام اللي أنا ماشي عليه..وانتظرو المزييييييد ان شاء الله
 

Anonymous غير معرف    قال
يا مرحب بياسر و كل من يحب ان يكتب معنا فى
trateesh kalam
 

إرسال تعليق
الـــغـــلاف
احـنـا الـشبـاب
كـلام جـمـيــل
مــصــر الـبـلـد
فـي اللعـبـة
فــــي الــفــن
مـــع الــلــه
Banat X Banat
في الملعب
ولاد مــصــر
كلام ميتنسيش
English

كــلـمـنـا



Site Meter
visitors
since 15/9/2007


الحقوق مش محفوظة
ان كنت هتعمل خير